Mga Tuntunin at Kundisyon

1. Healthy San Francisco

Mga Tuntunin at Kundisyon

Petsa ng Pagkakaroon ng Bisa: Oktubre 1, 2013

Ang mga sumusunod ay ang mga tuntunin at kundisyon (“Mga Tuntunin at Kundisyon”) ng isang legal na kasunduan sa pagitan mo at ng San Francisco Health Plan, ang tagapangasiwa ng Healthy San Francisco, kaugnay ng paggamit ng website ng Healthy San Francisco sa www.healthysanfrancisco.org (“Website”). Para sa mga layunin ng Mga Tuntunin at Kundisyon, ang mga salitang “kami,” “amin,” at “namin” ay tumutukoy sa San Francisco Health Plan at mga affiliate nito.

SA PAMAMAGITAN NG PAGGAMIT NG WEBSITE, ISINASAAD MO NA NABASA, NAUUNAWAAN, AT SINASANG-AYUNAN MO NA MAPAILALIM SA MGA TUNTUNIN AT KUNDISYON.

1. Pagkapribado
Ang lahat ng impormasyong nakalap mula sa iyo kaugnay ng paggamit mo ng Website ay napapailalim sa mga probisyon ng Patakaran sa Pagkapribado, na isinama sa Mga Tuntunin at Kundisyon sa pamamagitan ng pagbanggit na ito. Mag-click dito upang basahin ang Patakaran sa Pagkapribado na nalalapat sa Mga Tuntunin ng Kundisyon.

2. Mga Pangkalahatang Pagbabawal
Sumasang-ayon kang hindi gawin ang alinman sa mga sumusunod habang ginagamit ang Website o content na naka-post sa Website:

(a) Magpadala ng anumang labag sa batas, nagbabanta, nanliligalig, nanghahamak, mapanirang-puri, malaswa, pornograpiko o bastos na materyal o anumang materyal na maaaring binubuo o nanghihikayat ng pagkilos na maituturing na kriminal na pagkakasala o magbunsod ng pananagutang sibil, o kung hindi naman ay lumalabag sa anumang batas;
(b) Magpadala ng mga hindi hininging email, junk mail, “spam,” promosyon o patalastas para sa mga produkto o serbisyo, o mga chain letter;
(c) Tangkaing i-disable o kung hindi naman ay gambalain ang wastong paggana ng Website o ng aming mga system ng computer;
(d) Mag-upload ng mga file na naglalaman ng mga virus, Trojan horse, worm, time bomb, cancelbot, corrupted file, o anupamang katulad na software o program na maaaring sumira sa paggana ng Website o sa aming mga system ng computer;
(e) Magsagawa ng anumang pagkilos na nagdudulot, o maaaring magdulot sa sarili naming pagpapasya ng hindi makatwiran o napakabigat na load sa aming mga system ng computer;
(f) Magsagawa ng anumang pagkilos na lumalaktaw sa anumang hakbang na maaari naming gamitin upang pigilan o paghigpitan ang pag-access sa Website;
(g) Magpanggap o magsabi ng hindi tama tungkol sa iyong kaugnayan sa sinumang tao o entidad; o
(h) Gamitin ang Website para sa anumang layunin na lumalabag sa mga lokal, pang-estado, pambansa, o internasyonal na batas.

3. Walang Medikal o Legal na Payo
Ang impormasyon sa Website na ito ay ibinibigay lang para sa pangkalahatang pagbibigay ng impormasyon.

Walang anumang nilalaman, ipinahahayag, o ipinahihiwatig sa Website ang nilalayong maging, o dapat bigyang-kahulugan bilang, medikal na payo. Ang mga indibidwal na tanong tungkol sa mga medikal na isyu ay dapat idirekta sa mga kaukulang propesyonal sa pangangalagang pangkalusugan. Hindi mo dapat balewalain ang medikal na payo, o ipagpaliban ang paghingi ng medikal na payo, dahil lang sa isang bagay na nabasa mo sa Website.

Walang anumang nakapaloob, ipinahahayag, o ipinahihiwatig sa Website ang nilalayong maging, o dapat bigyang-kahulugan bilang, legal na payo, patnubay, o interpretasyon. Walang naitatatag ng anumang ugnayan ng abogado at kliyente sa pagitan mo at ng San Francisco Health Plan sa pamamagitan ng iyong paggamit ng Website na ito. Kung mayroon kang mga tanong tungkol sa anumang batas, alituntunin, regulasyon, o kinakailangang hayagan o malinaw na binabanggit sa Website, dapat kang makipag-ugnayan sa iyong sariling abogado.

4. Pag-aaring Intelektuwal
Ang “Healthy San Francisco,” “San Francisco City Option” at “City Option” ay mga trademark at marka ng serbisyo na pag-aari ng San Francisco Department of Public Health. Ang Website at anumang content na ginawang available sa Website ay pag-aari at karapatang-ari ng o nakalisensya sa San Francisco Department of Public Health o iba pa kung saan nakalaan ang lahat ng karapatan maliban na lang kung iba ang nakasaad. Hindi ka magkakaroon ng karapatan sa anumang content o anupamang interes sa pagmamay-ari sa content na iyon sa pamamagitan lang ng pag-download nito mula sa Website. Binibigyan ka ng Healthy San Francisco ng hindi eksklusibo, limitado, nababawi, at hindi maitatalagang lisensya upang bumisita, tumingin, at magpanatili ng kopya ng mga page ng Website para lang sa iyong personal at hindi pangkomersyong paggamit. Maliban na lang kung iba ang nakasaad, hindi ka maaaring magbago, magkopya, magsalin sa ibang wika, maglathala, mag-broadcast, magpadala, mamahagi, magtanghal, magpakita, magbenta, maghango ng mga gawa sa, maglisensya o mag-sublicense, magtalaga, o kung hindi naman ay maglipat ng lisensya o ng anumang content sa Website. Maliban na lang kung partikular na pinahihintulutan sa kasulatan ng San Francisco Health Plan o ng San Francisco Department of Public Health, ipinagbabawal ang anumang pangkomersyong paggamit ng Website o mga materyal sa Website.

5. Feedback
Bukas kami sa iyong feedback at mga suhestyon tungkol sa kung paano mapapahusay ang aming mga produkto at serbisyo at Website. Sa pamamagitan ng pagpapadala ng anumang suhestyon, impormasyon, ideya, materyal, o iba pang content (sama-samang tinatawag na “Feedback”) sa amin, awtomatiko mong ipinagkakaloob sa San Francisco Health Plan, sa mga affiliate at kahalili nito, at itinatalaga ang walang bayad, panghabambuhay, hindi mababawi, at hindi eksklusibong karapatan at lisensya para gamitin, gawan ng kopya, baguhin, ilapat, ilathala, isalin, maghango ng gawa mula rito, ipamahagi, muling ipamahagi, ipadala, itanghal at ipakita ang naturang Feedback nang buo o bahagya sa buong mundo at/o isama ito sa iba pang gawa sa anumang anyo, media, o teknolohiyang kilala ngayon o gagawin sa hinaharap para sa kumpletong termino ng anumang karapatan na maaaring umiiral sa naturang Feedback. Malaya naming magagamit ang anumang ideya, konsepto, kaalaman, pamamaraan, at suhestyon na nilalaman ng anumang mensaheng ipapadala mo sa Website para sa anumang layunin, kabilang ang, ngunit hindi limitado sa paggawa at pagbebenta ng mga produkto at/o serbisyo gamit ang naturang impormasyon.

6. Mga Provider ng Healthy San Francisco
Gumawa kami ng mga makatwirang pagsisikap upang maberipikang napapanahon at tumpak ang aming mga listahan at mapa ng mga provider ng serbisyo sa pangangalagang pangkalusugan sa network ng Healthy San Francisco (“Mapa ng Network”) na ipinapakita sa Website. Hindi kami mananagot para sa iyong mga pagkalugi, pinsala, o hindi saklaw na pagsingil bilang resulta ng paggamit sa Mapa ng Network na ipinapakita sa Website. Mangyaring makipag-ugnayan sa amin upang maberipikang bahagi pa rin ng network ng Healthy San Francisco ang isang provider ng serbisyo sa pangangalagang pangkalusugan sa Mapa ng Network.

7. Mga Pagtatatwa ng Warranty/strong>
ANG IMPORMASYON SA WEBSITE AY IBINIBIGAY “SA KASALUKUYAN NITONG KONDISYON.” HAYAGANG ITINATATWA SA SUKDULANG PINAHIHINTULUTAN NG BATAS ANG LAHAT NG HAYAGAN, PAHIWATIG, AT NASA BATAS NA WARRANTY, KABILANG NANG WALANG LIMITASYON, ANG MGA WARRANTY NG KAKAYAHANG MAIKALAKAL, KAANGKUPAN PARA SA ISANG PARTIKULAR NA LAYUNIN, O HINDI PAGLABAG. HINDI KAMI KUMAKATAWAN O NAGBIBIGAY NG GARANTIYA SA IYO TUNGKOL SA ANTAS O KALIDAD NG AMING MGA SERBISYO.